சமீப பதிவுகள்

கிலாஃபத்துடைய மீள் உருவாக்கத்திற்கான பணி எதுவரை சென்றடைந்துள்ளது?

revival

அல்லாஹ் سبحانه وتعالى இந்த தீனிற்கு வெற்றியை வழங்க நாடிய போது, மதீனாவில் இஸ்லாமிய அரசு அமைவதற்கு ஏற்றவாறு அதன் உட்புற மற்றும் வெளிப்புற சூழ்நிலைகளை அதன் பிறப்புக்கு உதவும் வகையில் ஏற்படுத்தினான்.

உட்புற சூழலை பொறுத்தவரை, ஆயிஷா (ரலி) அவர்கள் ஒரு அறிவிப்பில் அறிவித்ததாவது, அல்லாஹ் سبحانه وتعالى அவனுடைய மார்க்கத்திற்கு பு’ஆத் போரின் மூலம் வெற்றிக்கான வழிவகைகளை ஏற்படுத்தினான், அந்த போரில் மக்கா மற்றும் தாயிஃப் போன்றல்லாமல் அல்-அவ்ஸ் மற்றும் அல்-கஸ்ரஜ்ஜின் பெரும் தலைவர்கள் மரணித்தனர்.

வெளிப்புற சூழலை பொறுத்தவரை, பாரசீக சாம்ராஜயம் மற்றும் ரோம்ப் பேரரசுக்கு இடையே இடைவிடாத மோதல் நடைபெற்று வந்தது. மேலும் இந்த தேசங்களால் ஏற்படுத்தப்பட்ட ஊழல், அநீதி மற்றும் வறுமை ஆகியவை அங்கு நிலவிவந்தது.

இன்றையகாலத்தில் ஏதாவதொரு பிராந்திய மற்றும் சர்வதேச சூழலின் காரணமாக எந்நேரத்திலும் கிலாஃபத் உருவாகலாம் என்கிற எதிர்பார்ப்பு இருக்கும் நிலையில், கிலாஃபத்தின் மீள் உருவாக்கத்திற்கு வழிவகுக்கும் நிகழ்வுகளை அல்லாஹ் سبحانه وتعالى ஏற்படுத்தியிருப்பதை ஒருவர் காண்கையில் அவருக்கு ஆச்சர்யத்தை தான் அது ஏற்படுத்தும். அந்நிகழ்வுகள் மற்றும் சூழல்களானது:

(1) நமது எதிரிகளின் வீழ்ச்சி

(2) முஸ்லிம் உம்மத்தின் எழுச்சி

(3) ஹிஸ்புத்தஹ்ரீரின் (ஹிஸ்பு) முன்னேற்றம்.

கிலாஃபத்தின் மீள்வருகை குறித்தான அஹதீதுகளின் நற்செய்தியை குறித்து இங்கு குறிப்பிடுவதற்காக அல்லாமல் இம்மூன்று விஷயத்தை குறித்து விரிவாக குறிப்பிடும் நோக்கில் தான் இக்கட்டுரை எழுதப்பட்டுள்ளது;

1- நமது எதிரிகளின் வீழ்ச்சியை பொறுத்தவரை:

நோம் சோம்ஸ்கி மற்றும் இமானுவேல் டோடு போன்று பல எழுத்தாளர்கள் அமெரிக்காவை “நோயாளி” என குறிப்பிட தொடங்கியுள்ளார்கள் மற்றும் ஏனையோர் அமெரிக்காவின் சரிவு குறித்து வெளிப்படையாக பேசத் துவங்கியுள்ளனர் மற்றும் இந்த சாம்ராஜ்யத்தின் சரிவுக்கு பின்பு நிலவக்கூடிய அரசியல் நிலை குறித்தும் விவாதித்து வருகின்றனர். பின்வருபவை இதற்கான காரணமாக விளங்குகின்றன:

1- மேற்கு, குறிப்பாக அமெரிக்கா முதலாளித்துவ சித்தாந்தத்தின் அடிப்படையிலிருந்து பிறழ்ந்துள்ளது அங்கு சுதந்திரம், மனித உரிமை மற்றும் ஜனநாயகத்தன்மை போன்ற வாதங்களானவை போலியானதாக தோன்றுகிறது. உதாரணமாக:

(அ) ஐந்து லட்ச ஈராக்கிய குழந்தைகளை கொன்றது, 2003ல் பல லட்சக்கணக்கான ஆண்கள் மற்றும் பெண்களை கொன்றதை பற்றி குறிப்பிடத் தேவையே இல்லை,

(ஆ) இத்தகையவற்றை செய்ய வேண்டும் என்று கடவுள் தன்னிடம் பலமுறை கூறியதாக புஷ் பல தருணங்களில் கூறியுள்ளார். இந்த கூற்றானது சித்தாந்த ரீதியில் வாழ்விலிருந்து மதத்தை பிரிக்கக்கூடிய முதலாளித்துவ அரசாக அமெரிக்கா விளங்கி வரும் நிலையில் வெளிவந்துள்ளதாகும்,

(இ) அபூ குரைப் மற்றும் குவாண்டானமோ சிறைகளில் 2003ல் இழைக்கப்பட்ட மனிதாபிமானமற்ற நடத்தை,

(ஈ) அமெரிக்கா தனது குடிமக்கள் மட்டுமல்லாமல் மெர்க்கல் மற்றும் இதர தலைவர்களுடைய தொலைபேசி உரையாடல்களை கண்காணித்து வருகிறது.

(உ) சமீபத்தில் தெரெசா மே விடம் லட்சக்கணக்கான அப்பாவி ஆணகள், பெண்கள் மற்றும் குழந்தைகளை கொல்லக்கூடியதொரு அணுகுண்டு தாக்குதலுக்கு உத்தரவிடுவீர்களா என கேட்கப்பட்டது. அதற்கு “ஆம்” என்று பதிலளித்தார்.

இதர நாடுகளின் விவகாரத்தில் தங்களுடைய அரசு தலையீடு செய்து வருவதன் காரணத்தால் பொய்யான இந்த அமெரிக்க கோஷங்களால் உலகெங்கும் தங்கள் மீது வெறுப்பு கொண்டுள்ளதாக அமெரிக்க மக்களை உணரச்செய்தது. அமெரிக்க அதிபர் அல்லது அதன் அதிகாரிகள் சர்வதேச மாநாடுகள் அல்லது கூட்டங்களில் கலந்து கொள்வதற்காக செல்லும்போது அவர்களுக்கு எதிராக முஸ்லிமல்லாத நாடுகளிலும் ஊர்வலம் மற்றும் ஆர்ப்பாட்டங்கள் நடைபெறுவது இதை தெளிவாக காட்டுகிறது. உதாரணமாக:

(அ) 2014ல், அமெரிக்காவின் தோழமை நாடுகள் மற்றும் தோழமை கொண்டிராத நாடுகள் என 65 நாடுகளில் ஒரு கருத்துக்கணிப்பு நடத்தப்பட்டது, உலகின் அமைதிக்கு அமெரிக்கா மாபெரும் அச்சுறுத்தலாக விளங்குகிறது என அந்த கருத்துக்கணிப்பின் முடிவு அறிவித்தது,

(ஆ) மார்ச் 2016ல், கியூபாவின் ஹவானாவில் நடந்தவொரு செய்தியாளர்கள் கூட்டுச்சந்திப்பின் இறுதியில் கியூபாவின் அதிபர் ரால் காஸ்ட்ரோ அதிபர் ஒபாமா கையை குலுக்கும்போது உதறினார்,

(இ) 2016 செப்டம்பரில், பாரக் ஒபாமா சீனாவுக்கு விஜயம் செய்தபோது விமானத்திலிருந்து கீழிறங்க வழக்கமான சிவப்பு கம்பள படிக்கட்டுகளுக்கு சீனர்கள் ஏற்பாடு செய்யாத காரணத்தால் விமானத்தின் பின்வாயில் வழியாக இறங்கும் கட்டாயத்துக்கு ஆளானார்,

(ஈ) பிலிப்பைன்சின் அதிபர் ரோட்ரிகோ டியூடெர்ட்டே பாரக் ஒபாமாவை தகாத வார்த்தையால் பேசியதையடுத்து லாவோசில் அவருடனான சந்திப்பை பாரக் ஒபாமா ரத்து செய்தார்,

(உ) சில மாதங்களுக்கு முன்னர், புரூசெல்ஸில் கோபமுற்ற பெருந்திரளான மக்கள் கூட்டமொன்று டிரம்ப்பின் வருகைக்கு எதிராக ஊர்வலம் நடத்தியபோது அவரை பொய்யர் என்று குறிப்பிடும் விதமாக அவரை நீண்ட மூக்கை உடையவராக சித்தரித்து ஓவியம் தீட்டியிருந்தனர்.

அமெரிக்காவில் நிலவும் உட்புற சூழலை பொறுத்தவரை, அதுவும் நல்லதாக இருக்கவில்லை. உதாரணமாக:

(அ) 2011ல், அமெரிக்க வரலாற்றில் முதன்முறையாக, ஆர்ப்பாட்டக்காரர்கள் மற்றும் போராட்டக்காரர்கள் (வால் ஸ்ட்ரீட்டை ஆக்கரமிப்போம்) என கூக்குரலிட்டு இந்த முதலாளித்துவ செயலாக்க அமைப்பை மாற்றுவதற்கான கோரிக்கையை விடுத்தனர்,

(ஆ) 2012ல், அமெரிக்காவிலுள்ள பதினைந்துக்கும் மேற்பட்ட மாகாணங்கள் அமெரிக்க மத்திய அரசிடமிருந்து பிரிந்து செல்வதற்கான கோரிக்கையை விடுத்தன,

(உ) 2016ல், கருப்பின மக்கள் மீது நடத்தப்படும் வன்முறைக்கு எதிராக மக்கள் அணி திரண்டனர்,

(ஈ) டிரம்ப்பை அதிபராக அறிவித்த உடனே மக்கள் “நீ எங்களுடைய அதிபர் கிடையாது” என குறிக்கும் பதாகைகளை ஏந்தியவாறு ஊர்வலம் மேற்கொண்டனர்.

2- உலகின் முதன்மை நாடான அமெரிக்கா, ஆப்கானிஸ்தான் மற்றும் ஈராக்கில் இராணுவ ரீதியாக தோல்வியடைந்துள்ளது, ஆப்கானிஸ்தான் பலவீனமான தேசமாகவும் ஈராக்கை மீண்டும் அவர்களிடம் ஒப்படைத்திருந்தாலும் இதன் விளைவாக அதன் பெருமளவிலான இராணுவ பலத்தை இழந்துள்ளது. இது இராணுவ தளபதி ஜெனரல் ரே ஓடியர்னோ “நான் சேவைபுரிந்து வரும் இந்த 37 வருடங்களில் போர் புரிவதற்கான குறைந்தபட்ச அளவிலான தயார் நிலையில் தான் இப்போது நாம் இருக்கிறோம்” என்று கூறியதிலிருந்து தெளிவாக தெரிகின்றது. அதேபோல், ஜூலை 16, 2017ல் நேஷனல் டைஜஸ்ட் இதழில் வெளியான ஒரு கட்டுரையில், ஓய்வுபெற்ற கர்னல், டக்ளஸ் மெக்ரெகர் கூறியதாவது, “அதிபர் டிரம்ப் இராணுவத்துக்கு தனது ஜெனரல்களின் பொறுப்புகள் குறித்து விசாரிப்பதை கட்டாயப்படுத்த மற்றும் பெரும் மாற்றத்தை ஏற்படுத்த தயாராக இருக்கும் ஒரு ஆற்றல்மிக்க மற்றும் தேர்ச்சி பெற்ற செயல் அதிகாரியை நியமிக்காதவரை இராணுவமானது பணத்துடன் மேலானவைகளை இழக்கக்கூடும். மற்றும் யுத்தத்தின் முதல் போரை இழக்கக்கூடும். அதன் பிறகு, இந்த இருபத்தோராம் நூற்றாண்டில் அமெரிக்கர்களுக்கு இரண்டாவதொரு போரை சந்திக்கும் வாய்ப்பு கிட்டாமல் போகும்.”

இது அமெரிக்கர்களிடையே மிகப்பெரியதொரு எதிர்மறையிலான தாக்கத்தை ஏற்படுத்தியுள்ளது எந்தளவுக்கு என்றால் இப்போதெல்லாம் முஸ்லிம் உலகின் இதர பகுதிகளுக்கு தங்களுடைய துருப்புக்களை அனுப்புவதற்கு முன்னர் ஆயிரம் முறை யோசிக்கின்றனர். 2011ல் லிபியாவில் இது தெளிவாகத் தெரிந்தது அப்போது அமெரிக்கா லிபியாவுக்கு தனது துருப்புக்களை அனுப்பாமல் வெறுமனே வான்வழி தாக்குதல் மட்டும் நடத்தி நேட்டோ கூட்டமைப்புக்குள்ளாக செயல்பட்டது.

மறுபக்கம், இராணுவ பலத்தை எண்ணிக்கையை கொண்டோ அல்லது உபகரணங்களை (இராணுவ ஆயுதங்களை கொண்டிருந்த நிலையில் தான் சோவியத் யூனியன் தோற்றது) கொண்டோ அளவிடக்கூடாது மாறாக அது நோக்கம் மற்றும் தியாகத்தை கொண்டே அளவிடப்பட வேண்டும். உதாரணமாக, ஈராக்கிலுள்ள அமெரிக்க வீரர்கள் தாங்கள் ஒரு விடுமுறைக்கு வந்திருப்பதாகவும் பிறகு தங்களுடைய குடம்பத்தினரிடம் திரும்பி விடுவோம் என்றும் தங்களுடன் வெகுமதி பொருட்களை எடுத்துச் சென்று மீதமுள்ள தமது வாழ்க்கையை சந்தோஷமாக கழிப்போம் என்று எண்ணியிருந்தார்கள், ஆனால் நடந்தது அதுவல்ல. ஈராக்கிலுள்ள அமெரிக்க வீரர்கள் அவர்களுடைய தேவைகளை நிவர்த்தி செய்துகொள்ள தமது பீரங்கிகளிலிருந்து கீழிறங்க பயந்து டயபர்களை அணியும் அளவுக்கான நிலையை அவர்கள் அடைந்துள்ளார்கள், அவர்களுடைய குடும்பத்தினரிடம் திரும்பச் சென்றவர்கள் விவரிக்க முடியாத அளவுக்கு மனநோய்க்கு ஆளாகியிருப்பது பற்றி குறிப்பிடத் தேவையேயில்லை.

3- உலக நிதி நெருக்கடியானது அமெரிக்காவின் (மற்றும் உலகினது) இதயத்தை துளைத்த குண்டைப் போன்றதாகும். உலக நிதி நெருக்கடியானது முஸ்லிம்கள் மற்றும் முஸ்லிம் ஆட்சியாளர்களின் மீதும் அமெரிக்காவின் பிடியை (நேரடியான அல்லது மறைமுகமான) பலவீனப்படுத்தியது, இதன் விளைவாக மக்களின் மீது இந்த ஆட்சியாளர்கள் மற்றும் அவர்களுடைய பாதுகாப்புத்துறை கொண்டிருந்த பிடியை பலவீனப்படுத்தியது. குறிப்பாக அமெரிக்கா 130 நாடுகளில் 737 இராணுவ தளங்கள் மற்றும் கூடுதலாக அமெரிக்காவுக்குள் 6000 இராணுவ தளங்களை கொண்டிருப்பதன் காரணத்தால் அதை பராமரிக்க அதற்கு அதிகளவில் செலவுகள் தேவைப்படுகிறது, அதனோடு தீவிரவாதத்திற்கு எதிராக உலகளாவிய போரில் ஈடுபடுவதற்கான செலவுகள், அயல்நாட்டு இராணுவ உதவிகள், அமெரிக்க பொது பட்ஜட் ஏற்றுக்கொள்ளும் இதர திட்டங்கள் மற்றும் ஈராக் மற்றும் ஆப்கானிஸ்தானில் நடைபெற்று வரும் நெடியநாள் போருக்கான செலவுகள் போன்று அதிகளவிலான இராணுவச் செலவுகள் அமெரிக்காவின் பெட்டகத்தை காலி செய்தது.
தெற்கு ஃபுளோரிடா பல்கலைக்கழகத்தில் சர்வதேச வர்த்தகப்பிரவின் பேராசிரியரான வால்டர் ஆண்ட்ரூசைஜை(Z)ன் “அமெரிக்காவின் கடன் சுழலானது நமது பொருளாதாரத்தை மட்டும் பாதிக்கவில்லை, இது நமது தேசிய பாதுகாப்பை பலவீனப்படுத்துகிறது மற்றும் இந்த உலகை ஒரு அபாயகரமான இடமாக மாற்றியுள்ளது. எந்தவொரு நாடும் தனது பொருளாதாரம் பலவீனமாக இருக்கும் நிலையில் அதன் பலத்தை குன்றாமல் பாதுகாக்கவோ அல்லது பலத்தை பரைசாற்றவோ முடியாது. அது ஸ்பார்ட்டாவாகவோ, ரோமாகவோ அமெரிக்காவாகவோ இருந்தாலும் அனைத்துக்கும் பொறுந்தும்.” என கூறினார்.

இதன் காரணமாக, தற்போதய அமெரிக்க நிர்வாகம் தனது வளர்ச்சிக்கான நிதியுதவியை 30% குறைக்க முடிவு செய்துள்ளது, அது அமெரிக்காவுக்கு ஒரு எதிர்மறை தாக்கத்தை ஏற்படுத்தும் ஏனெனில் இராணுவம் மற்றும் இராஜதந்திரம் தவிர இதுபோன்ற நிதியுதவிகள் உலகெங்கும் அமெரிக்காவை நிலைநிறுத்த பங்களிக்கும் மூன்று தூண்களில் ஒன்றாக கருதப்படுகிறது. மேலும், சமீபத்தில் டிரம்ப் சவூதி அரேபியாவுக்கு விஜயம் செய்து உம்மத்தின் சொத்துக்களை கவ்பாய் (cowboy) பாணியில் தூக்கி சென்றார்.

மேலுள்ளவற்றின் விளைவாக அமெரிக்கா சிரியாவாக இருந்தாலும் அல்லது ஆப்கானிஸ்தான் அல்லது ஈராக் அல்லது மற்ற இடங்களாக இருந்தாலும் மத்திய கிழக்கில் எந்தவொரு அரசியல் தீர்வையும் அதனால் செயல்படுத்த முடியவில்லை. அமெரிக்க அயலுறவு கொள்கையானது இன்று சிரமத்திலுள்ளது என்பது தெளிவாக தெரிகின்றது. உதாரணமாக, டிரம்ப் நேட்டோ குறத்து தனது கண்ணோட்டமான ஒரு காலாவதியான கூட்டணி என்று விவரித்து பின்னர் வெளிப்படையாக இந்த நிலையிலிருந்து பின் வாங்கினார். அதேபோல அவர் பாரிஸ் நகரில் நடைபெற்ற சுற்றுச்சூழல் ஒப்பந்தத்திலிருந்து விலகி பின்னர் அதுகுறித்து மீண்டும் பேச்சுவார்த்தை நடத்துவதற்கு விருப்பம் தெரிவித்தார், மற்றும் வடகொரியாவுடன் போரின் விளிம்புக்கு சென்று பின்னர் பின் வாங்கினார். மேலும், அவர் சீனா குறித்து ஒரு எதிர்மறையான கண்ணோட்டத்தை கொண்டிருந்தார் பின்னர் வடகொரிய விஷயத்தில் அதன் விளைவுக்காக அதற்கு துணையாக அதனுடன் சேர்ந்து நின்றார், சிரியாவின் அரங்கில் பலமான அறிக்கைகள் விட்டார் பின்னர் ஆஸ்டானா மற்றும் ஜெனீவா மாநாடுகளில் அதன் அண்டை நாடுகளிடம் அதன் விஷயங்களை விட்டுவிட்டார்.

மேலுள்ளவை மற்றும் அதற்கு அதிகமான காரணங்களினால், ஃபுகுயாமா வரலாற்றின் முடிவு குறித்து தனது முந்தய கருத்தை மறுபரிசீலனை செய்தார். மேலும், முன்னால் அதிபர் ஒபாமா “The Post- American World (அமெரிக்க உலகிற்கு பின்னர்)” எனும் நூலை வாசித்ததை கண்டதில் ஆச்சர்யம் ஏதும் ஏற்படுத்துவதற்கில்லை.

சுருங்கக்கூறின், மேலுள்ளவை அமெரிக்கா பலவீனமடைந்து வருவதை நிரூபிக்கின்றன. ஸ்(Z)பிக்நீவ் பிரஜி(Z)ன்ஸ்கி “இன்றளவும் அமெரிக்கா அரசியல் ரீதியாக, பொருளாதார ரீதியாக மற்றும் இராணுவ ரீதியாக மிகவும் பலம்வாய்ந்ததொரு தேசமாகும், ஆனால் பிராந்திய சமநிலையில் சிக்கலான பூலோக அரசியல் மாற்றத்தை கருத்தில் கொள்ளும் போது, அது உலகளவில் ஒரு ஏகாதிபத்திய சக்தியாக இனியும் இல்லை” என்று கூறியதன் மூலம் இதை உறுதிபடுத்தினார்.

சோவியத் யூனியனின் வீழ்ச்சிக்கு பிறகு அமெரிக்காவால் ஒரு ஒற்றை முனையாக உலக ஒழுங்கை அறிமுகப்படுத்தப்பட்ட பிறகு தற்போதய அமெரிக்காவின் வீழ்ச்சியானது ஒரு பல்முனை உலக ஒழுங்கை ஏற்படுத்தியிருக்கிறது. இதில் உம்மத்திற்கான நற்செய்தி என்னவென்றால் கீழே விவரிக்கப்பட்டுள்ளதை போன்று எந்தவொரு நாடும் அந்தளவுக்கு பலம்வாய்ந்ததாக இப்போது இல்லை.

4- ஐரோப்பாவை பொறுத்தவரை,

ஐரோப்பாவை “முதிர்ச்சியடைந்த மனிதன்” என்று குறிப்பிட்டது இன்றைய யதார்த்தத்தில் அது நிஜமாகியுள்ளது. அது பலவீனமடைந்துள்ளது. சர்வதேச அளவில் செயல்படுவதற்கான இயலாமை, முரண்பாடான நலன்கள் மற்றும் பல பிரச்சனைகளில் முரண்பாட்டை ஏற்படுத்தும் வெவ்வேறு கொள்கைகள் ஆகியவையே அதன் பலவீனத்திற்கு காரணமாகும். உதாரணமாக, ஜெர்மனி அமெரிக்க திட்டங்களுக்கு எதிராக செயல்படும் வேளையில் பிரான்ஸ் அமெரிக்காவுக்கு நெருக்கமாக செல்கிறது , அதேசமயம் பிரட்டன் பிரக்ஸிட் குறித்து உறுதியற்ற நிலையிலுள்ளது.

உலகளாவிய நிதி நெருக்கடியின் காரணமாக ஐரோப்பா அடைந்துள்ள பலவீனம் குறித்து குறிப்பிடத் தேவையேயில்லை, அது ஐரோப்பிய யூனியனை ஒரு நெருக்கடியான சூழ்நிலையில் ஆழ்த்தியுள்ளது.

மறுபுறம், குறைந்து வரும் பிறப்பு மற்றும் இளைஞர்களின் விகிதமானது ஐரோப்பியர்களை அரசியல் மற்றும் பொருளாதாரத்திலிருந்து பின்வாங்கச் செய்து மூலோபாய ரீதியாக இந்த கண்டத்தின் எதிர்காலத்திற்கு அச்சுறுத்தலை ஏற்படுத்தியிருக்கின்றது.

5- உலகின் இரண்டாம் வல்லரசான சோவியத் யூனியன் வீழ்ச்சியடைந்துள்ளது.

ரஷ்யாவை பொறுத்தவரை, அது சோவியத் யூனியன் முன்பு கொண்டிருந்த அதே வலிமையை கொண்டிருக்கவில்லை. இது உக்ரைன் போன்ற ரஷ்ய அண்டை நாடுகளில் அமெரிக்கா ஊடுருவதை தன்னால் தடுக்க முடியாத நிலையிலும் அல்லது தன் மீது அமெரிக்கா விதித்துள்ள தடைகளை நீக்க முடியாத நிலையிலும் சிரியாவில் அமெரிக்காவுக்கு உதவி புரிய ரஷ்யா தன்னை மலிவாக விற்க நேரிட்டது எதனால் என்பதை விளக்குகிறது.

6- சீனாவை பொறுத்தவரை, அதுவொரு பொருளாதார ஜாம்பவானாக மாறினாலும் ஒரு வலுவான இராணுவத்தை அது கொண்டிருந்தாலும் உலகின் முன்னணி நாடாக அமெரிக்காவுக்கு மாற்றாக இடம்பெறுவதற்கான தகுதியை பெற இதுமட்டுமே போதுமானதல்ல. இருப்பினும், சீனாவின் வளர்ச்சி மற்றும் அமெரிக்கா சீனாவுக்கு இடையே அதிகரித்து வரும் பதற்ற நிலையானது உம்மத்திற்கும் கிலாஃபத் உருவாவதற்கும் உதவி புரிவதாக அமையலாம்.

2- உம்மத்தின் எழுச்சியை பொறுத்தவரை:

அல்லாஹ் (சுபு) கூறுகிறான்:

وْ كَالَّذِي مَرَّ عَلَىٰ قَرْيَةٍ وَهِيَ خَاوِيَةٌ عَلَىٰ عُرُوشِهَا قَالَ أَنَّىٰ يُحْيِي هَـٰذِهِ اللَّهُ بَعْدَ مَوْتِهَا فَأَمَاتَهُ اللَّـهُ مِائَةَ عَامٍ ثُمَّ بَعَثَهُ

“(நபியே!) அல்லது ஒரு கிராமத்தின் மீது சென்றவரைப் போல் (நீங்கள் பார்த்திருக்கின்றீரா? அவர்) அ(க்கிராமத்)திலுள்ள (வீடுகளின்) முகடுகளெல்லாம் இடிந்து (பாழாய்க்) கிடக்க(க் கண்டு) “இவ்வூர் (மக்கள் இவ்வாறு அழிந்து) இறந்தபின் அல்லாஹ் இதனை எவ்வாறு உயிர்ப்பிப்பான்?” என்று கூறினார். ஆகவே, (அவருடைய சந்தேகத்தை நிவர்த்தி செய்வதற்காக) அல்லாஹ் அவரை நூறு ஆண்டுகள் வரையில் மரணித்திருக்கச் செய்து பின்னர் அவரை உயிர்ப்பித்து (அவரை நோக்கி “இந்நிலையில்) நீங்கள் எவ்வளவு காலம் இருந்தீர்கள்” எனக் கேட்க “ஒருநாள் அல்லது ஒரு நாளின் சிறிது பாகம் இருந்தேன்” எனக் கூறினார். (அதற்கு அவன்) “அல்ல! நீங்கள் நூறு ஆண்டுகள் (இந்நிலையில்) இருந்தீர்கள்.
(அல்குர்ஆன் : 2:259)

1- முஸ்லிம்களை இஸ்லாத்தை விட்டு அந்நியப்படுத்துவதற்கான தீவிர முயற்சிகளை தாண்டியும் முஸ்லிம்களின் மனதில் இஸ்லாம் வேரூன்றி வருவது நிதர்சனமாக ஆகியுள்ளது. இதற்கு உதாரணமாக உஸ்பெகிஸ்தான், ஈராக், துனீசியா மற்றும் சிரியா போன்ற இடங்களில் இரும்புக்கரம் கொண்டு ஆட்சிபுரிந்து மக்களை இஸ்லாத்திலிருந்து அந்நியப்படுத்த முயன்று வருகின்றனர், ஆனால் அவர்களுடைய முயற்சியில் அவர்கள் தோல்வியை தான் தழுவினார்கள்.

2- ஏறத்தாழ 70 வருடங்களுக்கு முன்பிருந்ததை விட தனிப்பட்ட ரீதியில் இஸ்லாத்தை பின்பற்றுவது மேலோங்கி வருகின்றது. தொழுவது, குர்’ஆன் ஓதுவது, தொலைக்காட்சியில் மார்க்க நிகழ்ச்சியை காண்பது மற்றும் ஹிஜாப் அணிவது போன்று இவ்வனைத்தும் உலகெங்கிலும் இன்று பரவலாக காண முடிகிறது. கடந்த நூற்றாண்டில் எகிப்திய வீதியொன்றில் எடுக்கப்பட்ட ஒரு புகைப்படத்துடன் அதே வீதியில் சில வருடத்திற்கு முன் எடுக்கப்பட்ட புகைப்படத்தை ஒப்பிட்டு அல் ஜசீரா தொலைக்காட்சியில் ஒளிப்பரப்பப்பட்டது தனிப்பட்ட ரீதியாக இப்போது இஸ்லாம் திடமாக பின்பற்றப்பட்டு வருவதற்கான சிறந்ததொரு உதாரணமாகும்.

3- அல்- நாஸிரிய்ய கருத்துக்களுடன் சோசியலிச, கம்யூனிச மற்றும் தேசியவாத கருத்துக்கள் மற்றும் இதர கருத்துக்கள் அனைத்தும் தவறானவை என்று முஸ்லிம்களின் அறிவுக்கு புலப்பட்டுள்ளது. எவரேனும் இக்கருத்துக்களை கொண்டிருப்பாரே ஆயின் அதை ஏற்றுக்கொள்ள வைப்பதற்கு இஸ்லாத்தை மேலுறையாக பயன்படுத்த வேண்டியுள்ளது. ஈரானிய புரட்சி, மன்னர் ஹுசேன் தாடி வளர்த்தது, எர்துகனின் செயல்பாடு, ஜனநாயகத்தை ஷூரா என வழங்குவது மற்றும் பெரும்பாலான முஸ்லிம் உலகில் நடைபெறும் தேர்தல் பிரச்சாரங்கள் போன்றவை இதற்கு உதாரணமாக திகழ்கிறது.

நிஜத்தில், அல்ஜீரியா, எகிப்து, சிரியா மற்றும் இதர நாடுகளில் நடந்த நகழ்வுகள் முஸ்லிம்கள் இஸ்லாத்தை மட்டுமே விரும்புவதற்கான நல்ல உதாரணங்களாகும்.

மற்றொரு உதாரணமானது ஜோர்டான் மருத்துவமனை ஒன்றில் லிபிய நாட்டை சார்ந்த காயமுற்ற (போரினால் ஏற்பட்ட) ஒருவர் ரயாவை [கொடி] (மருத்துவமனைகளில் அவர்களை சந்திக்க சென்றபோது ஹிஸ்புத்தஹ்ரீரின் உறுப்பினர்களால் கொடுக்கப்பட்டது) ஜோர்டனின் புலனாய்வு அதிகாரிகளிடம் தர மறுத்தார் மற்றும் அவர்களிடம் இந்த கொடிக்காக தான் நாங்கள் (லிபியர்கள்) லிபியாவில் போராடி வருகிறோம் எனக்கூறினார்.

மேலும், இந்த அரசியல் ஆய்வை இப்போதைக்கு ஒதுக்கி வைத்து பார்ப்போம், நவம்பர் 2016ல் மிகப்பெரிய அளவில் தீ பற்றி எரிந்த போது யூத நிறுவனத்துடன் அமைதி காப்பது என்கிற கருத்து முற்றிலுமாக மறைந்து போயிருந்தது. இது “இஸ்ரேல்” உடனான சமாதானம் என்பது காகிதத்திலுள்ள மையை போன்றதென்றும் இந்த நிறிவனத்தின் முடிவை பார்க்க உம்மத் விரும்புவார்கள் என்றும் நிரூபனமாகிறது.

4- பாலஸ்தீனம், ஈராக், ஆப்கானிஸ்தான், போஸ்னியா, காஷ்மீர், செச்சன்யா, சோமாலியா, லிபயா மற்றும் சிரியாவில் முஸ்லிம்கள் நசுக்கப்பட்டதை தொடர்ந்து முஸ்லிம் இளைஞர்களிடையே அல்லாஹ்வின் பாதையில் ஜிஹாத் செய்ய வேண்டும் என்பது கோரிக்கையாக ஆகியுள்ளது. அதேபோல் வயது முதிர்ந்த வீரப்பெண்மணியான அல் கன்ஸாவின் சிறப்புமிக்க கதைகளை இவ்வனைத்து நாடுகளிலும் உள்ள ஷஹீதடைந்தவர்களின் தாய்மார்கள் மீண்டும் உயிர்பித்துள்ளார்கள். மற்றும் ஜெரூசலத்தின் (அல்- குத்ஸ்) வாயிலில் நடைபெற்ற சமீபத்திய பிரச்சனையும் இதற்கு நல்லதொரு உதாரணமாக விளங்குகிறது. இதில் குறிப்பிடத்தக்க விஷயம் என்னவெனில் ஷஹீத் ஆனவர்கள் அனைவரும் இளைஞர்களாகவும் மார்க்கத்தை பாரம்பரிய முறையில் எடுத்துக் கொள்ளாத “சாதாரண” முஸ்லிம்களாக இருந்தது தான். ஆகவே, முஸ்லிம்கள் ரசூலுல்லாஹ் ﷺ

<<حُبُّ الدُّنْيَا وَكَرَاهِيَة الْمَوْتِ>>

“உலக வாழ்வை விரும்புவது மரணத்தை வெறுப்பது” என்று நமக்கு அச்சுறுத்ததிய நோயிலிருந்து மீண்டு வருகின்றனர்.

5- ஆப்கானிஸ்தானிலும் ஈராக்கிலும் அமெரிக்க இராணுவ பலம் சிதைந்து போனதையும் “இஸ்ரேலின்” இராணுவ பலம் 2006ல் சிதைந்து போனதை மனதில் கொண்டு, முஸ்லிம்கள் பொதுவாகவும் மற்றும் குறிப்பாக இராணுவ வீரர்கள் மேற்கையும் அதன் கூட்டாளிகளையும், அது பஷார் அல்லது ஈரான் அல்லது ரஷ்யா போன்று யாராகினும் அல்லாஹ் (சுபு) வை நாடியிருக்கும் வரை அவற்றை வீழ்த்தி விடலாம் என உணர தொடங்கியுள்ளனர்.

6- சில முஸ்லிம் இராணுவ அதிகாரிகளும் வீரர்களும் தங்களிடமுள்ள நண்மையை குறிக்கும் விதத்திலான அற்புதமான காரியங்களை செய்துள்ளனர். எகிப்தில் ஸதாத் திடமான பற்றுடைய முஸ்லிம்களால் கொல்லப்பட்டார். ஜோர்டானில் ஒரு இராணுவ வீரர் தனது தொழுகைய கண்டு கேலி செய்த யூதர்களை சுட்டக்கொன்றார். சிரியாவில் 2005ல் ஹிஸ்புத்தஹ்ரீரிடமிருந்து அழைப்பு பெற்றதை பற்றி தெரியப்படுத்தாதது ஏன் என்று பல இராணுவ அதிகாரிகளிடம் உறவுத்துறை விசாரித்தனர். சூடானில் ஒரு உயர் இராணுவ அதிகாரி ஹிஸ்புத்தஹ்ரீரின் குழுவொன்று தனக்கு அளித்த ரயாவை (கொடி) தனது இராணுவத்தளத்தில் நாட்டினார். யமனில் இராணுவ வீரர்களில் ஒருவர் முஸ்லிம் வெகுஜனங்களை கொல்வதற்காக பங்குபெறுவதிலிருந்து தவிர்ந்து கொள்ள தனது பாதத்தை சுட்டுக்கொண்டார் மற்றும் இதுபோன்ற பல நிகழ்வுகள் உள்ளன.

7- மேற்குலகு 2001 மற்றும் 2003ல் முஸ்லிம் நிலப்பரப்புகளில் மீண்டும் இராணுவ ரீதியிலான காலனியாதிக்கத்தை மேற்கொண்டுள்ளது. இதுவே உம்மத் இன்னும் உயிரோட்டத்துடன் இருப்பதற்கான அறிகுறியாகும், இல்லையெனில் மேற்குலகு நமது அரசியல், பொருளாதாரம், ஊடகம், பாடதிட்டம் போன்றவைகளில் ஏற்கனவே தமது கட்டுப்பாட்டை கொண்டிருக்கையில் எதற்காக ஒரு உயிர்நீத்த தேசத்திடம் போரிட வேண்டும்? ஆக கேற்குலகு எதனை கண்டு அஞ்சுகிறது? மேற்குலகு கிலாஃபத்தின் மீள்வருகையை கண்டு அஞ்சுகிறது. அதற்கான ஆதாரங்களாவன:

(அ) அதிபர் புஷ் அக்டோபர் 11, 2006ல் ஈராக்கில் அமெரிக்கா நிலை கொண்டிருப்பதற்கான காரணம் கிலாஃபத் உருவாகாமல் தடுப்பதற்காகவே என கூறினார்.

(ஆ) முன்னால் அரசு செயலாளர் ஹென்றி கிஸ்ஸிங்கர், சர்வதேச ஹெரால்டு டிரிபியூன் பத்திரிக்கையில் நமது பிராந்தியத்தில் அமெரிக்காவின் கொள்கையானது இரு தூண்களை அடிப்படையாக கொண்டுள்ளது: எண்ணை வளத்தை தக்கவைத்துக் கொள்வது மற்றும் “இஸ்ரேலை” பாதுகாப்பாக வைத்துக்கொள்வது. எனினும், இதனுடன் மூன்றாவதொரு தூணை நாம் இப்போது சேர்த்துள்ளோம் அது இந்த பிராந்தியம் அனைத்தையும் தனக்கு கீழ் ஒன்றிணைக்கக்கூடிய பிராந்திய சக்தி எதுவொன்றும் உருவாகாமல் தடுப்பதாகும் என்பதை விளக்கும் விதமாக கட்டுரை ஒன்றை எழுதினார்.

(இ) அசாதின் வீழ்ச்சியானது ஒரு அஹ்லுஸ் சுன்னா அரசாங்கம் உருவாவதை குறிக்கின்றது என ரஷ்யாவின் அயலுறவு அமைச்சர், செர்ஜி லாவ்ரோவ் போரினால்; நிச்சயமாக ஜோர்டான் அல்லது சவூதி அரேபியாவை போன்ற ஒரு அஹ்லுஸ் சுன்னாவின் அரசாங்கத்தை பற்றி அவர் குறிப்பிடவில்லை.

8- முஸ்லிம் உலகில் சில பகுதிகளில் ஏற்பட்ட புரட்சிகள் (அரபு வசந்தம்) பல்வேறு சாதகமான நிலையை ஏற்படுத்தியுள்ளது அவையாவன:

(அ) முஸ்லிம் உம்மத்திற்கு புத்துணர்ச்சி வழங்கியுள்ளது மற்றும் உம்மத்திற்கு அதன் தன்னம்பிக்கையை அதிகரித்துள்ளது,

(ஆ) அச்சத்தின் தடைகளை உடைத்துள்ளது,

(இ) உம்மத்திடம் ஒற்றுமையை ஏற்படுத்தியுள்ளது,

(ஈ) ஊதியம் பெறும் அறிஞர்களையும் சுய சீர்த்திருத்தம் எனும் கருத்தையும் தடுமாற செய்துள்ளது,

(உ) ஆட்சியாளர்கள் தான் உம்மத் எதிர்கொள்ளும் பிரச்சனைகளுக்கான காரணம் (அதாவது தடி நேராக இல்லாத போது நிழல் எங்ஙனம் நேராக இருக்கும்) என்று ஆழமாக உணரச் செய்துள்ளது,

(ஊ) யமனில் முஸ்லிம்கள் கிலாஃபத்திற்காக குரலெழுப்புவது, எகிப்தில் லட்சக்கணக்கில் ஷரீ’ஆவுக்காக பேரணி நடத்துவது, துனிசியாவில் மதசார்பின்மைவாதிகளை எதிர்ப்பது போன்று, “அல்லாஹு அக்பர்” என்று லிபியாவில் கூச்சலிட்டது போன்று மற்றும் சிரியாவில் “லட்சக்கணக்கான ஷஹீதுகளாக சுவனத்திற்கு செல்வோம்”, யா அல்லாஹ் உன்னையன்றி எங்களுக்கு வேறுயாறும் இல்லை” மற்றும் “அல்லாஹ்விற்கு மட்டுமே அடிபணிவோம்” என்று கூக்குரலிட்டது போன்று முஸ்லிம்களின் கோரிக்கைகள் அதிகரித்துள்ளது.

(எ) எகிப்து, சவூதி அரேபியா, குவெய்த், யமன், ஜோர்டான் மற்றும் இதர நாடுகளிலுள்ள பல முஸ்லிம் அறிஞர்கள் நேர்வழிபெற்ற இரண்டாவது கிலாஃபத்திற்காக பிரசங்கம் செய்ய துவங்கிவிட்டார்கள்.
ஆக, ஊடகங்கள் மறைப்பதற்கு பல முயற்சிகள் செய்திருந்தும் அருள்பெற்ற இம்மக்களின் இந்த புரட்சிகளானது இஸ்லாமிய பண்பை வெளிக்காட்டியது. மற்றும் இஸ்லாமிய விழிப்புணர்வு தொடர்ந்து அதிகரித்த வண்ணம் இருக்கின்றது.

9- முஸ்லிம்கள் கிலாஃபத்தின் வருகைக்கு ஆதரவாக இருப்பதை குறித்து பல அறிக்கைகளை மேற்குலகு வெளியிட்டுள்ளது, அவையாவன:

(அ) கிலாஃபத் மீண்டும் 2020ம் வருடம் நிறுவப்படும் என ஒரு அறிக்கை கணித்துள்ளது.

(ஆ) அமெரிக்காவின் கேலப் நிறுவனம் நடத்திய கருத்துக்கணிப்பில் பெரும்பாலான எகிப்தியர்கள் ஷரீ’ஆவின் அடிப்படையில் ஆட்சியமைவதற்கு ஆதரவு தெரிவித்திருக்கின்றனர் என்றும் சட்டமியற்றுதலுக்கு அடிப்படையாக ஷரீ’ஆ மட்டுமே இருக்க வேண்டும் என்பது மூன்றில் இரண்டு எகிப்தியர்களின் கோரிக்கையாக இருக்கின்றது என்று தெரிவிக்கின்றது.

(இ) பாகிஸ்தான், இந்தோனேசியா, மொராக்கோ மற்றும் எகிப்திலுள்ள முஸ்லிம்கள் ஜனநாயகத்தை விட ஷரீ’ஆவையே விரும்புகின்றனர் என்று மேரிலாண்டு அறிக்கை சுட்டிக்காட்டுகிறது.

இதன் காரணமாகத்தான் முஸ்லிம்கள் கிலாஃபத்தை கோருவதிலிருந்து திசை திருப்புவதற்கான கடைசி முயற்சியாக மேற்குலகு ஐ.எஸ்.ஐ.எஸ்ஸை பயன்படுத்தி கொண்டது. எனினும் அல்லாஹ் (சுபு) வின் கருணையை கொண்டு நாளடைவில் ஐ.எஸ்.ஐ.எஸ் என்பது வெத்து வார்த்தை என்று நிரூபணம் ஆகியுள்ளது.

3- ஹிஸ்புத்தஹ்ரீரின் முன்னேற்றத்தை பொறுத்தவரை:

1- இக்காரியத்திற்காக உண்மையாக உழைக்கக்கூடிய அழைப்பாளர்களை இது கொண்டுள்ளது. எந்தவொரு அழைப்பும் அதற்காக உழைக்கக்கூடிய அழைப்பாளர்களை கொண்டிருக்கும் பட்சத்தில் சீக்கிரத்தில் அல்லது நாளடைவில் யதார்த்த நிலையை அடைந்தே தீரும். அல்ஹம்துலில்லாஹ் ஹிஸ்புத்தஹ்ரீரின் அழைப்புப்பணி கிழக்கில் ஆஸ்திரேலியா முதற்கொண்டு மேற்கே அமெரிக்கா வரை பரவியுள்ளது. மேலும் அல்ஹம்துலில்லாஹ் ஹிஸ்பு பெற்றுள்ள செல்வாக்கை எழுதி முடிக்க நூற்றுக்கணக்கான பக்கங்கள் போதாத அளவுக்கு பல அறிஞர்கள், அரசியல்வாதிகள், அமைப்புகள் மற்றும் வெகுஜனங்களிடத்தில் செல்வாக்கை பெற்றுள்ளது.

ஹிஸ்புத்தஹ்ரீர் பரந்து விரிந்தருப்பது மேற்குலகிற்கு ஆத்திரமூட்டியுள்ளது, எந்தளவுக்கு என்றால் செப்டம்பர் 2004ல் அமெரிக்காவின் நிக்சன் மையம் நடத்திய “ஹிஸ்புத்தஹ்ரீரின் சவால்: அடிப்படைவாத இஸ்லாமிய சித்தாந்தத்தை கண்டறிதல் மற்றும் அதன் மீது போர் தொடுத்தல்” என்கிற தலைப்பில் துருக்கியில் இரண்டு நாள் மாநாட்டை நடத்தும் அளவுக்கு அதன் ஆத்திரம் இருந்தது. அந்த மாநாட்டின் முடிவுகள் 157 பக்கங்கள் கொண்ட அறிக்கையாக பதிவு செய்யப்பட்டிருந்தது.

2- ஹிஸ்பானது கிலாஃபத் குறித்தான அனைத்து இஸ்லாமிய கருத்துக்களை விவரித்துள்ளது மற்றும் முஸ்லிம்கள் இஸ்லாத்தின் மீதான தமது நம்பிக்கையை மீண்டும் பெறும் வகையில் அழைப்புப்பணியை மேற்கொண்டு வருகிறது, எந்தளவுக்கென்றால் சோவயத் யூனியனிலுள்ள கம்யூனிச கட்சி பாலஸ்தீனம்/ஜோர்டானில் உள்ள அதன் உறுப்பினர்களிடம் வலுவான தர்க்க அறிவை கொண்டுள்ளதால் ஹிஸ்புடன் விவாதங்கில் ஈடுபடவேண்டாம் என்று கேட்டுக்கொள்ளும் அளவுக்கு அதன் செயல்பாடுகள் இருந்தது. ஹிஸ்பு ஒரு அரசியலமைப்பு வரைவை தயார் செய்து தன்னை மற்ற இஸ்லாமிய அமைப்புக்களிடத்திலிருந்து தன்னை வேறுபடுத்தி காட்டியுள்ளது எந்தளவுக்கு என்றால் முன்பொருமுறை அல்ஜீரியாவின் இஸ்லாமிய பாதுகாப்பு முன்னணியின் தலைவர்களில் ஒருவரிடம்: ஆட்சி புரிவதற்கான அதிகாரம் உங்களுக்கு கிடைக்கப்பெற்றால் உங்களிடம் அதை நடைமுறைபடுத்துவதற்கென ஏதேனும் அரசியலமைப்பு வரைவு இருக்கிறதா என கேட்கப்பட்டது? அதற்கு ஹிஸ்புத்தஹ்ரீரில் உள்ள எமது சகோதரர்களின் அரசியலமைப்பு வரைவு எங்களிடம் உள்ளது என்பது அவரது பதிலாக இருந்தது. ஆக, பள்ளி பாடதிட்டங்கள் வரையிலும் தயாராகவுள்ள நிலையில் கிலாஃபத்திற்கு ஹிஸ்பு தயாராகவுள்ளது.

3- சில நேரங்களில் ஷஹீது ஆகக்கூடிய அளவிலான சித்தரவைகளை தனது உறுப்பினர்கள் சகித்துக்கொண்டாலும் ஹிஸ்பு தனது சிந்தனை மற்றும் வழிமுறையில் உறுதியாக இருக்கின்றது, அதேநேரத்தில் அரசியல் மற்றும் அறிவுசார் வீழ்ச்சியின் காரணமாக அல்லது அச்சுறுத்தல் மற்றும் பாராட்டிற்கு (கேரட் அண்டு ஸ்டிக்) முன்பாக மற்ற இயக்கங்களின் உறுப்பினர்கள் பலவீனமடைந்து விடுகிறார்கள். மேலும், இந்த அரபு வசந்தத்தின் போது ஹிஸ்புடைய சிந்தனையும் வழிமுறையும் குறிப்பாக மற்ற இயக்கங்கள் ஹிஸ்பை கேலி செய்த வழிமுறையான அதிகாரத்திலுள்ளவர்களிடம் ஆதரவு கோருவம் முறை சரியானதென்று நிரூபணம் ஆகியுள்ளது.

4- ஆட்சியாளர்கள் மற்றும் மக்களிடையே உள்ள உறவை அழிப்பதில் ஹிஸ்பு வெற்றி பெற்றுள்ளது. பலர் அராஃபத், சதாம் மற்றும் இதர ஆட்சியாளர்களை பாதுகாத்து வருகன்றனர் மற்றும் பெரும் இஸ்லாமிய இயக்கங்கள் சில ஆட்சியாளர்களுடன் தோழமை கொள்வதில் எவ்வித தீங்கும் இல்லை என்று கருதுகின்ற நிலையில், உஸ்பெகிஸ்தான் மற்றும் பாகிஸ்தானின் அதிபர்கள் ஹிஸ்புத்தஹ்ரீர் பற்றி பிரித்தானியரிடம் புகார் அளிக்கும் அளவுக்கு ஹிஸ்பு அரசியல் ரீதியாக ஆட்சியாளர்களுக்கு எதிராக போராடி வருகிறது.

5- அறிஞர்கள் மாநாடு, பொருளாதார மாநாடு, ஊடக மாநாடு மற்றும் பல மகளிர் மாநாடுகள் போன்று ஹிஸ்பு பல முக்கிய மாநாடுகளை நடத்தியுள்ளது, ஊடகங்களுக்கு இவைகளை ஒளிப்பரப்புவதை தவிர வேறு வாய்ப்பில்லாமல் போனது. இதனோடு ஹிஸ்பின் நெடிய வரலாற்றில் சிரிய மற்றும் லிபிய மக்களுக்கு ஆதரவாக ஜோர்டானில் மற்றும் இந்தோனேசியாவில் குர்’ஆனையும் இஸ்லாத்தையும் இழிவு படுத்திய ஜகார்ட்டாவின் ஆளுநருக்கு எதிராக மார்ச் 2017ல் 30 லட்சம் மக்கள் பங்குகொண்ட ஊர்வலம் நடத்தியது உட்பட ஹிஸ்பு அனைத்து இயக்கங்களுக்கு முன்னரே ஊர்வலங்கள் மற்றும் ஆர்ப்பாட்டங்களை நடத்தியுள்ளதை தெளிவாக காட்டுகிறது.

6- ஹிஸ்புத்தஹ்ரீர் ஜோர்டான், சிரியா, எகிப்து, ஈராக், பாகிஸ்தான் மற்றும் இதர நாடுகளிலுள்ள அதிகாரத்தை பெற்றுள்ளவர்களிடத்தில் ஆதரவை முன்பும் இப்போதும் கோரி வருகிறது. ஹிஸ்புக்கு இந்த அதிகாரம் கொண்ட மக்கள் சிலரின் நேர்மறையான பதிலானது மிகவும் பரிச்சயமானது மற்றும் இது பற்றி ஊடகங்களும் வெளிப்படையாக செய்தி வெளியிட்டுள்ளன.

முடிவாக, கிலாஃபத் மீண்டும் உருவாவதற்கு வழிவகுக்கும் மேற்கண்ட இந்நிகழ்வுகளும் சூழல்களும் நம்மை எந்தவொரு செயலையும் செய்யாமல் இருக்கவும் கிலாஃபத் மீண்டும் உருவாகும் வரை அதற்காக காத்திருக்கும்படியும் ஆக்கி விடக்கூடாது மாறாக இரண்டாவது நேரிய கிலாஃபத்தின் நிர்மாணத்திற்காக ஏற்கனவே பாடுபட்டு கொண்டிருப்பவர்களுக்கு அல்லது பாடுபட ஆர்வம் கொண்டுள்ளவர்களுக்கு அவை நமக்கு ஊக்குவிக்கக்கூடியதாகவும் ஆர்வமூட்டக்கூடியதாகவும் மற்றும் உத்வேகம் அளிக்கக்கூடியதாகவும் இருக்க வேண்டும். இவ்வாறு தான் நபி முஹம்மது ﷺ அவர்களுடைய சஹாபாக்கள் நற்செய்திகளை கையாண்டனர். ரசூலுல்லாஹ் ﷺ காண்ஸ்டாண்டிநோபுள் நகரத்தை கைப்பற்றுவது குறித்து நற்செய்தி அறிவித்தார்கள்; ரசூலுல்லாஹ் ﷺ வின் வாக்கு நிறைவேறும் வரை அதற்காக பாடுபடாமல் சஹாபாக்கள் காத்திருக்கவில்லை, மாறாக அந்நகரத்தை கைப்பற்றும் நன்மதிப்பை பெறும் நோக்கில் முஹம்மது அல் ஃபாதிஹ் (வெற்றி கொண்டவர்) அவர்களால் கைப்பற்றும் வரை பலமுறை அதை கைப்பற்ற முயற்சி செய்தார்கள். அதேபோல், ரசூலுல்லாஹ் ﷺ வின் சஹாபாக்களை போன்று அல்லாஹ்வின் கட்டளையான நபித்துவ வழிமுறையிலான கிலாஃபத்தை மறு நிர்மாணம் செய்யும் நாள் வரும்வரை உம்மத்தின் நலனுக்காக உம்மத்துடன் தொடர்ந்து பாடுபட ஹிஸ்புத்தஹ்ரீர் முடிவு செய்துள்ளது.

فَسَيُنْغِضُونَ إِلَيْكَ رُءُوسَهُمْ وَيَقُولُونَ مَتَىٰ هُوَ قُلْ عَسَىٰ أَن يَكُونَ قَرِيبًا

“அதற்கவர்கள் தங்கள் தலையை உங்கள் அளவில் சாய்த்து “அந்நாள் எப்பொழுது (வரும்)?” என்று கேட்பார்கள். அதற்கு நீங்கள் (அவர்களை நோக்கி “அது தூரத்தில் இல்லை) வெகு சீக்கிரத்தில் வந்துவிடலாம்” என்று கூறுங்கள்.

(அல்குர்ஆன் : 17:51)

கஸ்(Z)ஸான் கஸ்வானி

Comments are closed.